’n Terapiehond met die naam Toffee Beanz het geskiedenis gemaak toe sy gister in die Wes-Kaapse Hooggeregshof gebruik is om ’n jong getuie tydens strafregtelike verrigtinge te ondersteun.
Dit is glo die eerste keer in Suid-Afrika dat ’n terapiehond ’n kind in die hof bystaan.
Die Jelly Beanz Stigting sê die hofproses kan vir kinders wat misdade aanskou het, baie intimiderend en selfs traumaties wees, aangesien hulle moeilike gebeure moet herroep in ’n formele omgewing.
Die organisasie sê die gebruik van ’n terapiehond help om kinders emosioneel te ondersteun en maak dit makliker vir hulle om te getuig.
