Discovery Life sê volgens sy eis-inligting vir 2024 is selfmoord ‘n toenemende oorsaak van onnatuurlike dood, veral onder die versekeraar se middeljarige en ouer lede.
Meer as ‘n derde van die onnatuurlike sterftes – oftewel 35% – was die gevolg van selfdood teenoor 28% van die vorige jaar se gevalle.
Dit is veral lede in die ouderdomsgroep van 51 tot 60 jaar oud wat hierdeur geraak word en in dié ouderdomsgroep was 51% van die onnatuurlike sterftes die gevolg van mense wat hul eie lewe geneem het – teenoor 33% in 2023.
Volgens Discovery Life se hoof van eise, Sylvia Steyn, skep dié inligting ‘n kommerwekkende prentjie.
Vir Discovery Life-lede van 30 jaar en jonger was motorongelukke die grootste oorsaak van onnatuurlike sterftes – naamlik 60%.
