Verfilming die 1% Klub is die afgelope paar weke volstoom aan die gang. Die reeks word aangebied deur Pierre Breytenbach en stel deelnemers se vermoë om probleemoplossing prakties toe te pas op die proef. Die vrae wat aan deelnemers gestel word, is gebaseer op ’n internasionale standaard wat vir oorsese weergawes van die program gebruik word. Die Britse weergawe is oorspronklik op die BBC uitgesaai en Indië, Frankryk en Duitsland se eie weergawes het ook intussen die lig gesien.
Elke program begin met 100 deelnemers. Met elke rondte word die vrae moeiliker en die deelnemers minder tot daar uiteindelik net een oor is. Lede van die publiek wat vir die program wil inskryf, kan hierdie skakel gebruik. https://shortaudition.net/1persent-klub?origin=PRETORIAFM
Hier is ’n paar interessante syfers oor die program:
2 600 deelnemers sal aan die 26 episodes deelneem
80 personeellede is elke dag op stel tydens die verfilming
100 profielligte word gebruik om elke deelnemer individueel te verlig
2 kilometer se kragkabels word gebruik
125 vierkante meter se skerms word ingespan
100 mikrofone word permanent aangebring vir die deelnemers
12 ton toerusting is in die dak gemonteer
850 meter se LED-ligte is aangebring
75 ton se steierwerk kom op die stel voor
300 liter swart verf is gebruik
Lees meer berigte in dié uitgawe van Nuusweek –https://www.pretoriafm.co.za/wp-content/uploads/2026/11/NUUSWEEK-Uitgawe-93-13-Nov-2026.pdf
