Die hooggeregshof in Kaapstad sal ván 2 tót 4 September vanjaar president Cyril Ramaphosa se aansoek aanhoor om die artikel 89-paneel se verslag oor die Phala Phala-diefstalsage te hersien.
Ramaphosa het Maandag amptelik sy aansoek ingedien wat die hof vra om die onafhanklike paneel se verslag te hersien.
Die paneel het bevind dat hy wel antwoorde moet verskaf oor die diefstal van $580 000 Amerikaanse dollar in ’n rusbank op sy plaas in Limpopo in Februarie 2020.
Ramaphosa beweer dat die paneel se proses gebrekkig was en nie die wettigheid en toelaatbaarheid van die bewyse behoorlik beoordeel het nie.
Dié hersieningsaansoek poog om die verslag ongeldig te laat verklaar, sowel as enige stappe wat deur die Nasionale Vergadering gedoen word in reaksie op die verslag.
Die verslag, wat deur die voormalige hoofregter Sandile Ngcobo gelei deur, is in 2022 saamgestel.
Die regsuitdaging kom te midde van die daarstelling van ’n ontheffingskomitee – saamgestel uit 31 parlementslede – na aanleiding van ’n bevel van die konstitusionele hof om die paneel se bevindinge te oorweeg.
