Die polisie in Gauteng ondersoek ’n moord- en poging tot moordsaak ná ’n skietery op die R21 by Kempton Park.
Preggy Padayachee, ’n familielid van die voormalige polisiegeneraal Feroz Khan, is in die voorval doodgeskiet.
Padayachee het glo stilgehou nadat sy Fiat onklaar geraak het en vriende om hulp gevra.
Daar is op hulle geskiet, terwyl hulle aan die voertuig gewerk het.
Padayachee is op die toneel dood en een passasier is gewond.
Khan sou vandag in ’n geslote sitting van die Madlanga-kommissie getuig.
