Die openbaresektor-besteding het in 2024 vir die derde agtereenvolgende jaar gestyg.
Volgens ‘n verslag van Statistiek Suid-Afrika oor regeringsinfrastruktuurbesteding was die syfer in 2024 R276 miljard, van die R234 miljard wat in 2023 bereik is.
Dit is ’n 18%-toename en volg ná ’n vyfjaarafname wat in 2016 begin het.
Die jongste syfers toon dat die regering en sy instellings weer geld belê in elektrisiteits-, spoor- en padprojekte.
Eskom se kapitaalbesteding het met 26% gestyg, met die fokus op sy kapasiteitsuitbreidingsprogram en lopende projekte by die Medupi- en Kusile-kragstasies.
Die Passasierspooragentskap van Suid-Afrika (Prasa) se besteding het met 37% verhoog, terwyl die Suid-Afrikaanse Nasionale Padagentskap (Sanral) se besteding met 41% verhoog het en die herstel en bou van nasionale paaie verskerp is.
Transnet se belegging het met 19% gegroei, terwyl hy aan die instandhouding van hawens, pypleidings en spoorwegkapasiteit gewerk het.
SSA sê instandhouding deur die openbare en privaat sektore help om die vloei van ekonomiese aktiwiteit regoor die land te verseker.
