Die regering het aangekondig dat die sperdatum vir begunstigdes – om van SASSA se goue kaart na die nuwe Postbank swart kaart oor te skakel – van 28 Februarie tot 20 Maart uitgestel is.
Dié aankondiging is in ‘n gesamentlike verklaring van die minister van maatskaplike ontwikkeling, Nokuzola Tolashe en die minister van kommunikasie en digitale tegnologie, Solly Malatsi aangekondig.
Die besluit is geneem weens groeiende kommer oor ‘n vertraging met die oorskakelingsproses.
Betrokkenes is egter gevra om so vinnig as moontlik oor te skakel en nie op die verlenging van die sperdatum staat te maak nie.
