’n Nuwe opname van Statistiek Suid-Afrika toon nagenoeg 78,9% van huishoudings landwyd van selfone of mobiele toestelle gebruik maak om op die internet te gaan.
Die opname toon egter groot ongelykhede in huishoudelike internettoegang tussen provinsies en gebiede.
Die Wes-Kaap toon die hoogste vlakke met 49,7%, terwyl Limpopo en Mpumalanga die laagste is.
In metrogebiede het 33,5% van huishoudings internet by die huis, in vergelyking met slegs 2,7% in landelike gebiede, en in dele van die Oos-Kaap en KwaZulu-Natal is dit minder as 1%.
Die data toon ’n sterk afname in tradisionele posdienste, met meer as twee derdes van huishoudings wat geen pos meer ontvang nie.
