Die leier van die EFF, Julius Malema, is pas deur die landdroshof in Oos-Londen skuldig bevind aan oortredings van die Wet op Vuurwapenbeheer.
Die saak spruit uit ‘n voorval in 2018 tydens ‘n EFF-byeenkoms in Mdantsane waar Malema daarvan beskuldig is dat hy verskeie skote in die lug afgevuur het voor ‘n groot skare ondersteuners.
Malema is spesifiek skuldig bevind aan die onwettige besit van ’n vuurwapen en ammunisie. Landdros Twanet Olivier het in haar uitspraak beklemtoon dat die videomateriaal en getuienis in die hof die oortreding duidelik bewys het.
Malema se voormalige lyfwag, Adriaan Snyman, is egter vrygespreek.
Hy is daarvan beskuldig dat hy die betrokke vuurwapen aan Malema gegee het, maar die hof het bevind dat daar nie genoegsame bewyse is om hom aan ‘n misdryf te verbind nie.
Die hof sal binnekort ’n datum vir die vonnisoplegging aankondig. Malema se regspan het intussen aangedui dat hulle moontlike regsaksie of appèl oorweeg.
One Response
😂😂😂