Navorsing in Zimbabwe toon dat vuvuzelas ‘n eenvoudige maar doeltreffende manier kan wees om leeus uit gemeenskappe naby die Hwange Nasionale Park te verdryf.
Die ekoloog dr. Lovemore Sibanda sê inwoners het tydens die 2010 Sokkerwêreldbeker op die idee gekom nadat die harde geluid van vuvuzelas wêreldwyd opslae gemaak het.
Sy navorsing het bevind dat die gebruik van vuvuzelas die aantal gevalle waar leeus vee vang met nagenoeg 50 persent verminder het.
Sibanda sê die sukses van die projek bewys dat plaaslike gemeenskappe waardevolle, bekostigbare oplossings vir konflik tussen mens en wilde diere kan bied en dat hulle ‘n groter rol in natuurbewaringsbesluite behoort te speel.
