31 Januarie 2025
Eskom het ná 10 maande sonder beurtkrag ‘n dringende waarskuwing uitgereik dat die kragnetwerk onder ernstige druk verkeer.
Die kragvoorsiener waarsku dat fase 4-beurtkrag dalk dié naweek ingestel sal moet word indien die situasie nie verander.
Eskom sê in ‘n verklaring dat talle toerusting en kragopwekkingseenhede die afgelope week onklaar geraak het, en dat dit langer geneem het as verwag om dié herstelwerk te voltooi. Om hierdie rede moes noodreserwes gebruik word om die ligte aan te hou.
“Hierdie noodreserwes moet nou weer aangevul word.” Volgens Eskom sal hy sy voorraad nagaan, maar indien nodig sal fase 4-beurtkrag noodgedwonge ingestel moet word.
Die minister van elektrisiteit en energie. dr Kgosientsho Ramokgopa het sowat ‘n week gelede gesê dat die implementering van die kragplan besig is om vrugte af te werp, en dat dit daartoe gelei het dat Suid-Afrikaners reeds 10 maande beurtkrag vry is.
Hy hoop ons sal dit tot ‘n jaar sonder beurtkrag kan maak.
