Eskom sê ‘n dalende elektrisiteitsvraag het tot ’n oorskot aan krag gelei, namate meer verbruikers na hernubare energie oorskakel.
Die kragverskaffer ondersoek nou nuwe markte vir dié kapasiteit, onder meer deur meer elektrisiteit aan buurlande en datasentrums te verkoop.
Eskom se voorsitter, Mteto Nyati, sê die onderneming moet egter ook sy koste verlaag en elektrisiteit bekostigbaar hou om groter nywerheidsvraag te lok.
Eskom het homself ’n teiken gestel om R112 miljard se koste te bespaar.
Nyati sê goedkoper elektrisiteit kan ondernemings aanmoedig om in Suid-Afrika te belê en uit te brei.
