’n Kafee in Dubai verkoop ’n koppie koffie vir bykans R17 400.00, wat dit die wêreld se duurste koffie maak.
Die koffie word uit Panamese Nido 7 Geisha-bone, wat op ’n plaas naby die Baru-vulkaan in Panama groei, gebrou.
Die medestigter van die Judlith-kafee, waar die koffie verkoop word, Serkan Sagsoz, sê Dubai is die perfekte plek vir die belegging.
Die kafee is in ’n industriële buurt geleë en is ’n gewilde bestemming vir koffieliefhebbers.
Hy sê daar is blomgeure van Jasmyn, sitrusgeure en ’n tikkie appelkoos en perske in die koffie se smaak te bespeur.
Die Julith-kafee het sy bone by ’n veiling in Panama gekoop ná ’n stryd van etlike ure onder bieërs.
Julith sê 20kg van die bone kos bykans 2-komma-2-miljoen dirham, dit is gelykstaande aan nagenoeg R10,5 miljoen.
