Die DA beskuldig die Tshwane-koalisie daarvan dat stadsbestuurder Johann Mettler onregmatig geskors is.
Die party het vanoggend tydens ‘n mediakonferensie gesê die raad se speaker het 13 stemme van raadslede ongeldig verklaar, wat die uitslag van die stemming verander en Mettler se skorsing moontlik gemaak het.
Die DA sê dat Mettler geskors is om die weg te baan dat onreëlmatige tenders goedgekeur kan word.
Die party voer ook aan dat die herinstelling van die finansiële bestuurder van die metro, Gareth Mnisi, na ‘n forensiese verslag die oortreding van voorsieningsketting-regulasies gevind het, ook die wenkbroue laat lig.
Die party se burgemeesterskandidaat in die Tshwane-metro, Cilliers Brink, sê hulle sal die howe nader.
