Die Augrabieswaterval Nasionale Park vier vandag sy 60ste bestaansjaar sedert die park op 5 Augustus 1966 geproklameer is.
SANParke sê die park beskerm een van Suid-Afrika se mees besondere droë-ekostelsels, met die ikoniese 56 meter hoë Augrabieswaterval, ‘n 18 kilometer lange granietkloof, asook unieke plant- en dierspesies.
Die park, wat deur die Khoi as “Aukoerebis” of die “Plek van Groot Geraas” bekend gestaan het, lok al eeue lank besoekers.
SANParke het sy personeel, plaaslike gemeenskappe en besoekers bedank vir hul bydrae om dié natuur- en kultuurerfenis vir toekomstige geslagte te bewaar.
