Die DA se nasionale woordvoerder, Willie Aucamp, en dié party se woordvoerder oor polisie, Ian Cameron, vra dat die minister van polisie onmiddelik die aanbevelings ten opsigte van plaasmoorde en landelike veiligheid in werking stel.
Dit kom nadat die parlementêre portefeuljekomitees oor landbou en polisie ‘n verslag aanvaar het oor dié misdaad.
Volgens ‘n gesamentlike verklaring van Aucamp en Cameron het die komitee nou formeel erken dat plaasmoorde wel plaasvind en sonder versuim beveg moet word.
Van die aanbevelings sluit in dat ’n gespesialiseerde eenheid binne die polisie vir landelike veiligheid gevestig om beter intelligensie-netwerke te vestig om sindikate en oorgrensnetwerke te beveg.
Dit moet ook beter samewerking tussen die polisie, die Nasionale Vervolgingsgesag plaaswagte en gemeenskappe te verseker.
Die DA sê verder hulle verwelkom hulle leier, en die minister van landbou, John Steenhuisen se opmerking tydens Woensdag se vergadering tussen president Cyril Ramaphosa en sy Amerikaanse eweknie, Donald Trump in die Withuis.
Steenhuisen het tydens sy spreekbeurt opnuut die aandag geplaas op plaasaanvalle- en plaasmoorde en die feit dat dit alle rasgroepe raak. Hy het ook gesê dat veediefstal ‘n reuse probleem is.
Aumcamp en Cameron het benadruk dat die moord op boere én hulle plaaswerkers ‘n bedreiging inhou vir voedselsekuriteit.
2 Responses
Bla bla bla, het dit al voorheen gehoor.
Die tyd om veroeke te rig is verby . . . . Daad werklike optrede word genoodsaak.
Die oplossing is Julius Malema aankla ICC Den Haag en hof toe vat. Plaasmoorde en aanvalle strenger straf en miskien die vir die ergste gevalle.