17 Desember 2024
Het jy geweet dat jy, (sou jy enigsins wou), die Covid-19-pandemie kan herbeleef?
Die sogenaamde Covid-19-park in ‘n gedeelte van die Tuyen Lam Lake Nasionale Toeristekompleks in Viëtnam is reeds ‘n geruime tyd oop, maar danksy ‘n Britse smaakmaker, Ella Ribak, het ‘n video van dié park weer opspraak gemaak, en is dit wyd op sosiale media versprei.
In die video kan verskeie beelde van die park, en van sy standbeelde gesien word.
Een standbeeld is die aardbol, wat op ‘n Covid-19-kiem sit. Ander standbeelde is van dié kieme wat boks, en sommiges wat met spuitnaalde ingespuit word.
Daar is ook ‘n klok, wat in plaas van syfers, simbole bevat soos ‘n inenting, ‘n Covid-19-masker, asook mense wat besig is om gebiede te ontsmet. Dié video deur Ella is byna 1-miljoen keer op TikTok gekyk.
Die eerste Covid-19-geval is in Desember 2019 aangemeld, en het sy ontstaan by ‘n kosmark in Wuhann, China gehad. Die eerste geval in Suid-Afrika is op 5 Maart 2020 aangemeld. Wêreldwyd is meer as 7-miljoen mense dood, terwyl 704 000 gevalle aangemeld is.
