‘n 50-jarige man van die Wes-Kaap is vandag in die Bellville-streekshof tot vyf jaar gevangenisstraf gevonnis, nadat hy die polisie geskakel en beweer het dat hy bomme in verskeie plekke geplant het.
Dit was glo in ‘n poging om nie vir die dag werk toe te gaan nie.
Ferdinand Fortuin het skuldig gepleit.
Die Nasionale Vervolgingsgesag sê Fortuin het die polisie op 11 November verlede jaar laat weet dat hy bomme by die departement van water en sanitasie, Transnet se kantore en die Bellville-taxistaanplek geplant het.
Die NVG se woordvoerder, Eric Ntabazalila, sê Fortuin het glo die vorige aand partytjie gehou en wou nie werk toe gaan nie.
Sy optrede het die ontplooiing van aansienlike staatshulpbronne en die ontruiming van duisende mense by die drie persele tot gevolg gehad.
One Response
Eish! Daar is nie pille vir die oom nie.