Die Internasionale Olimpiese Komitee (IOK) se uitvoerende raad het aanbeveel dat boks nou weer by die 2028 Olimpiese Somerspele – in Los Angeles – as ‘n sportsoort ingesluit word.
Dit was aanvanklik nie deel van die program toe die skedule vir 2028 se Olimpiese Spele aangekondig is nie.
Die beslissing deur die IOK om voorlopige erkenning aan die beheerliggaam, Wêreld Boks, te gee, het die grondslag hiervoor gelê.
Weens die terugtrek van die erkenning van die Internasionale Boksvereniging in 2023, is daar aanvanklik besluit om dié sport nie by die 2028-spele aan te bied nie. Dit is reeds jare lank meningsverskille tussen die IOK en Wêreld Boks oor die manier waarop die sportsoort bestuur word.
Die IOK se president, Thomas Bach sê hy is vol vertroue dat die besluit tydens die volgende vergadering in Griekeland bekragtig sal word.
