Die voormalige premier van die Vrystaat, Ace Magashule is ontevrede met die hooggeregshof in Bloemfontein se besluit om die omstrede asbesdak-ouditsaak, na volgende jaar uit te stel.
Regter Philip Loubser het die verhoor tot 26 Januarie 2026 uitgestel. Die hof het gister beslis dat Magashule se voormalige persoonlike assistent, Moroadi Cholota, se uitlewering vanuit Amerika onwettig was, en dus is alle klagtes teen haar terruggetrek.
‘n Aansoek om verlof tot appèl oot Cholota se uitlewering sal volgende Vrydag op 13 Junie aangehoor word.
LEES OOK: Asbesdak-saak: Ace Magashule pleit onskuldig
Magashule, die sakeman Edwin Sodi, en 15 medebeskuldigdes, waaronder vyf maatskappye staan tereg op aanklagte van korrupsie, bedrog, geldwassery en die oortreding van die Wet op Openbare Finansiële Bestuur. Dit hou verband met die asbes-saak van R255-miljoen.
Die staat voer aan die geld is betaal, maar geen werk is voltooi nie.
Magashule wou by die regter weet of hulle op 26 Januarie weer net vir 30 minute in die hof sal wees, voordat dit uitgestel word. Magashule meen dit is ontwrigtend.
Hy hou vol dat die saak polities gemotiveerd is.
