Byna 900 plaaslike ondernemings en individue het vanjaar reeds bankrot gespeel, nadat ’n verdere 143 insolvensies in Julie aangemeld is.
Volgens Statistiek Suid-Afrika (SSA) se jongste verslag is dit ’n skerp styging sedert Junie.
Ondernemings wat bankrot verklaar is het egter op ’n jaargrondslag met meer as 15,5% gedaal.
SSA het 245 likwidasies in Junie vanjaar aangeteken.
SSA meen dat die afwaartse jaartendens op ’n markklimaat dui wat herstel en groeiende beleggersvertroue ná jare se hewige ekonomiese druk.
Daar word tog waarsku dat maatskappye wat gereeld gelikwideer word, steeds ’n aanduiding van uitdagende handelstoestande is.
Oor die afgelope jare heen is die land gekenmerk deur ’n patroon van trae ekonomiese groei, hoë werkloosheidsyfers en ’n wesenlike vertraging in die implementering van politieke hervormings ter versterking van die ekonomie.
