Esmarie Yssel
Die Suid-Afrikaanse Polisiediens werk skouer aan skouer saam met die Suid-Afrikaanse Nasionale Weermag in soek- en reddingsoperasies in die vloedgeteisterde Limpopo en Mpumalanga.
Verskeie reddingsoperasies, onder meer dié van ‘n 84-jarige vrou, is uitgevoer.
Die SAPD se lugvleuel en die SANW bly ontplooi om seker te maak dat almal wat in nood verkeer gehelp word.
Die inwoners van die geraakte gebiede word versoek om aan veiligheidswaarskuwings gehoor te gee en om oorstroomde gebiede te vermy om lewensverlies te voorkom.
Nasionale Krugerwildtuin
54 gaste is vroeër vandag met helikopters uit die Krokodilbrug- en Onder-Sabie-ruskampe ontruim.
Onophoudelike reënval is in die Pretoriuskop-omgewing aangemeld wat tot die sluiting van die Phabeni-hek kan lei, indien toestande versleg.
Fotokrediet: Suid-Afrikaanse Polisiediens
