16-miljard wagwoorde van Facebook, Google en Apple het uitgelek.
Kuberveiligheidskenners het bevestig dat 16-miljard aanlyn-besonderhede uitgelek het, en meen dit is dié meeste wagwoorde wat nog ooit uitgelek het. Hierdie 16-miljard wagwoorde verskyn op sowat 30 databasisse.
Daar is aanvanklik in Mei vanjaar berig dat 184-miljoen wagwoorde gesteel is, maar navorsing het gevind dat dit veel meer is as wat enigiemand verwag het. Volgens ‘n Forbes-berig is dit waarskynlik verskillende kuberkrakers wat verantwoordelik is vir die gesteelde besonderhede.
Die publikasie, Cybernews se navorsers ondersoek reeds sedert die begin van die jaar die gebeure. Vilius Petkauskas, verbonde aan die nuusdiens het bevestig dat dit die meeste wagwoorde ooit is wat gesteel is. Volgens hom word die data dikwels verkoop.
Google het te midde van die uitgelekte data, weer ‘n beroep op mense gedoen om nié op vreemde skakels te klik nie en om standaard wagwoorde te verander.
‘n Kuberveiligheidskenner, Evan Dornbush het aan Forbes gesê dit maak nie saak hoe lank en kompleks ‘n wagwoord is nie, sodra die kuberkraker toegang tot die databasis verkry het, waarop die wagwoorde gestoor is, kan hulle enige inligting bekom.
Hy sê dis om dié rede belangrik dat die gebruiker nie dieselfde wagwoorde vir verskillende platforms gebruik nie. Dornbush stel voor dat alle wagwoorde verander word te midde van die reuse uitlek van wagwoorde.
Skep sterk wagwoorde
Google het ‘n paar wenke saamgestel van hoe sterk, relatiewe veilige wagwoorde behoort te lyk.
- Langer wagwoorde is moeiliker om te kraak. Volgens Google raai hulle ‘n minimum van 12 karakters aan, maar meen 16 is beter;
- Kombineer hoof- en kleinletters en gebruik getalle en simbole. Moet ook nie ‘n volgorde soos A, B, C, D of 1, 2, 3, 4 gebruik nie;
- Moenie dieselfde wagwoorde oor en oor gebruik nie;
- Vermy persoonlike inligting soos jou naam en geboortedatum ens;
- Vermy algemene woorde soos “password” of “qwerty”;
- Jy kan ook gebruik maak van ‘n betroubare wagwoord-bestuurder. Dit help jou om jou wagwoorde te onthou en skep ook wagwoorde;
- Gebruik toepassings wat jou inligting verifieer voor jy probeer toegang tot jou stelsels verkry;
- Verander jou wagwoorde gereeld.
Foto – ChatGPT
2 Responses
Moet ook nie jou password save op google nie. Dit vra om dit daar te save. As jy dit daar save weet Google wat dit is. Maak maar n dagboek oop en skryf dit daar neer.
In die gevalle van gesofistikeerde webwerwe word die gestoorde wagwoorde geïnkripteer volgens ‘n eenrigting algoritme. Al steel iemand die geïnkripteerde wagwoord, kan hy steeds nie inkom nie, mits die kraker die algoritme kan “reverse engineer” wat nie moontlik is by gesofistikeerde webwerwe nie. Nogtans, moet nooit dieselfde wagwoord vir jou finansiële sake gebruik as enige ander webwerwe nie. Daar is moontlik minder gesofistikeerde webwerwe wat jou wagwoord direk stoor. Daarom moet jy jou wagwoorde van tyd tot tyd verander.