510 soldate van die Suid-Afrikaanse Nasionale Weermag is na KwaZulu-Natal ontplooi om die Suid-Afrikaanse Polisiediens by te staan as deel van Operasie Floreer.
Volgens die presidensie beloop die verwagte koste daarvan sowat R34 miljoen.
President Cyril Ramaphosa het parlementêre leiers in kennis gestel dat die soldate tot einde November ontplooi sal wees.
Daar het vroeër die maand gewelddadige protesoptogte en plundering plaasgevind weens waninligting wat versprei is rakende ’n uitspraak in die Konstitusionele Hof oor asielsoekers.
Die presidensie sê die soldate sal op ’n gereedheidsgrondslag wees om die polisie se hand te sterk tydens enige gebeurlikhede.
