Absa het die bewaring en administrasie van Suid-Afrika se grootste pensioenfonds oorgeneem.
Die bank is nou die hoofbewaarder van die R3,5 biljoen regeringswerknemerspensioenfonds, oftewel die GEPF.
Die fonds het meer as 1,2 miljoen aktiewe lede en sowat 500 000 pensioenarisse en begunstigdes.
Absa sal onder meer toesig hou oor beleggingstransaksies, kontantbestuur, verslagdoening en ander administratiewe en bestuursfunksies.
Standard Bank, wat sedert die stigting van die GEPF in 1996 die mandaat gehad het, het ná 30 jaar die verantwoordelikheid aan Absa oorhandig.
