Marelize Maré
Die departement van vervoer het die roekelose bestuur van motoriste veroordeel, nadat ‘n toename van 144% in inhegtenisneming vir dronkbestuur tydens die onlangse feesseisoen aangeteken is.
Volgens amptelike data het verkeerspolisie 8 561 motoriste in hegtenis geneem, nadat hulle bloed-alkoholvalkke bo die wettige perk was.
Die minister van vervoer, Barbara Creecy, het benadruk dat die huidige wetstoepassings-maatreëls en bestuurders se houdings moet verander om die toenemende krisis op die land se paaie die hoof te bied.
Sy sê die huidige wetgewing is reeds bykans 30 jaar oud en meen dit is onaanvaarbaar dat daar ‘n wet is wat mense toelaat om te drink en dan te bestuur.
