Suid-Afrika is gevra om ‘n bod in te sit om die 2030 Statebondspele aan te bied.
Barry Hendricks, die president van die Suid-Afrikaanse Konfederasie en Olimpiese Komitee (Saskok) sê die kabinet het egter nog nie sy versoek aanvaar om ‘n bod in te sit vir die 2036 Olimpiese-spele nie. Die spertyd vir die kans om dié spele aan te bied is oor twee weke.
Volgens Hendricks sal hy weer probeer om die 2040 Olimpiese Spele aan te bied indien hy nie die spertyd vir 2036 haal nie en sal dit as ‘n leerkurwe beskou.
Wat die Statebondspele betref moes Suid-Afrika sy voorneme om die 2022-spele in Durban aan te bied, laat vaar weens finansiële redes.
Hendricks sê dit het intussen vir lande moontlik geraak om die Statebondspele in verskeie stede eerder as in een stad aan te bied, wat dit meer bekostigbaar maak. Hy sê om die spele in twee of drie stede aan te bied beteken dit is meer metro’s wat die kostes kan deel en daar is meer fasiliteite om binne- en buite items aan te bied.
One Response
Asb tog nie. Geld gaan net weer na regering se sakke toe. Te gevaarlike situasie. Ontvoerings ens.