Tweepot: 75% van Suid-Afrikaners onttrek weer geld

Suid-Afrikaners het vir ‘n tweede keer in hulle pensioen-spaargeld ingevaar nadat die nuwe belastingjaar op 1 Maart begin het.

‘n Lid van die Aktuariële Vereniging van Suid-Afrika, Natasha Huggett-Henchie het aan ENCA gesê dat 75% van die mense wat sedert Maart – as deel van die tweepotstelsel geld uit hul pensioenfondse onttrek het – dieselfde mense is wat in die vorige belastingjaar ook geld onttrek het.

Huggett-Henchie sê sy vermoed hulle het dit gedoen om skuld aan mikroleners terug te betaal aangesien kommersiële banke en kleinhandelaars geen noemenswaardige verhoging in ekonomiese bedrywighede aangemeld het nie.

Sy sê sommige mense het ook aangedui dat hulle geld onttrek het om te keer dat hulle hoef lenings aan te gaan.