Die Poskantoor gaan weer ‘n reddingsboei kry in ‘n laaste poging om dié staatsonderneming te red.
Die departement van kommunikasie en digitale tegnologie het aangekondig dat die Nasionale Tesourie die reddingsboei van R150-miljoen goedgekeur het.
Volgens die departement sal die fondse help om onmiddelike verligting te bring aan die Poskantoor, en sy ernstige finansiële probleme.
Volgens die departement lewer die Poskantoor baie belangrike dienste. Kwena Moloto, die woordvoerder van die minister van kommunikasie, Solly Malatsi het aan MyBroadband gesê dat die R150-miljoen reddingsboei ‘n baie klein gedeelte dek van die R3,8-miljard wat hy nodig het.
Die Kommunikasie Werkersvakbond (CWU) het vroeër gewaarsku dat die Poskantoor teen Februarie sy deure gaan moet sluit tensy hy die reddingsboei ontvang.
