Suid-Afrikaanse verbruikers kan binnekort minder vir varkvleis en spek betaal weens ‘n ooraanbod van varkvleis in die land.
Eskort se uitvoerende hoof, Arnold Prinsloo, het aan die nuusdiens eNCA gesê die prys van varkvleis het van nagenoeg R40 tot R30 per kilogram gedaal.
Die ooraanbod het ontstaan nadat groot hoeveelhede ingevoerde varkvleis die land bereik het net toe plaaslike produsente weer na die uitbrekings van Afrika varkpes en bek-en-klouseer normale produksie hervat het.
Prinsloo sê die laer pryse word reeds by kleinhandelaars weerspieël en dat daar geen voedselveiligheidsrisiko vir verbruikers is nie.
