’n Verdere uitstel vir die parlementêre ondersoek na polisiekorrupsie is moontlik, weens ’n tekort aan hulpbronne en regshulp.
Die ad hoc-komitee is tans besig met die opstel van sy verslag ná afloop van openbare verhore, insluitend getuienis van die KwaZulu-Natalse polisiekommissaris, Nhlanhla Mkhwanazi.
Lede van die komitee sê hulle is teleurgesteld dat die proses nog nie afgehandel is nie, ondanks ’n sperdatum van 30 April.
Daar is kommer dat te min personeel aan die verslag werk, en ’n voorlopige verslag word nou eers aanstaande week verwag.
Nog ’n verlenging kan oorweeg word sodra dié konsepverslag ingedien is.
