Die Nasionale Tesourie en die Reserwebank het ’n konsepreguleringsraamwerk vir ’n sogenaamde Sintetiese Finansiële Sentrum gepubliseer, wat vir openbare kommentaar oop is.
Die doel is om Suid-Afrika se posisie as ’n finansiële en beleggingsentrum te versterk deur internasionale beleggingsbestuursondernemings toe te laat om goedgekeurde buitelandse portefeuljes vanuit Suid-Afrika te bestuur.
Die voorstel kan plaaslike ondernemings help om internasionale beleggingsbesigheid te lok wat tans vanuit finansiële sentrums soos Londen en Bermuda bedryf word.
Belangstellendes kan tot 30 November skriftelike kommentaar by die Reserwebank indien.
