Die Suid-Afrikaanse Polisiediens se waterpolisiërings- en duikeenheid het gemeenskappe langs die Vaalrivier gewaarsku om waaksaam te wees, nadat ’n vrylopende Snoetkrokodil deur inwoners gewaar is.
’n Vanghok is vandag opgestel om dié krokodil vas te trek, terwyl watersport-geesdriftiges gemaan is om die rivier voorlopig te vermy.
’n Koopbewys van R20 000 by die watersport-winkel WaterSports Mania is as beloning uitgeloof vir enigiemand wat die krokodil kan opspoor.
Natuurbewaarders het intussen twee reusekrokodille uit ’n agterplaas in Springs aan die Oos-Rand gered, waar hulle jare lank sonder permitte in ’n beknopte hok aangehou is.
In Limpopo heers daar ook groot kommer nadat ’n krokodil naby ’n rioolaanleg en woongebied buite Marble Hall op kamera vasgevang is.
