Die Suid-Afrikaanse Reserwebank (SARB) se jongste ekonomiese aanwyser stel ’n verlangsaming in die land se ekonomiese groei in die komende maande in die vooruitsig.
Volgens die aanwyser het ekonomiese bedrywighede in April met 1,8% gedaal.
Die SARB sê dat agt van die tien beskikbare komponente verswak het.
Die vernaamste sondebokke is onder meer stadiger groei in die geldvoorraad, ’n afname in die aantal goedgekeurde residensiële bouplanne asook laer sakevertroue.
Dié data is in ooreenstemming met verskeie onlangse aanwysers wat die finansiële druk op huishoudings sowel as ondernemings weerspieël
