12 Januarie 2024
Op ‘n ligter noot het die Tshwane-metroraad gesê hy is oorweldig met voorstelle vir ‘n naam vir ‘n nuwe aankomeling by sy Klapperkop Natuurreservaat.
Die raad het in Desember ‘n kompetisie uitgeskryf om ‘n naam vir dié sebra te kry – waarin die wenner twee nagte se verblyf vir vier mense by die metro se Rietvlei Natuurreservaat kon wen.
Meer as 300 inskrywings is ontvang met die name Jabari, Khumba, Kunye en Oreo wat ook as finaliste oorweeg is.
Die vul sal voortaan Kamari heet.Dié naam – wat sy oorsprong in Swahili het – beteken “Die Maan”.
Dit is voorgestel deur ene Arielle van Sunnyside wat die dier se voorkoms vergelyk het met die nag se hemelruim.
