30 April 2021
Wat’s nou mooier as om ’n perdekar of donkiekar in aksie op ’n stofpad te sien?
’n Groep avontuurlustiges het op 20 April die avontuur van ’n leeftyd onderneem met ’n Gentleman’s Spider-perdekar. Hulle beplan om teen 1 Mei 500 kilometer af te lê en toer tussen Sasolburg in Gauteng en Utrecht in KwaZulu-Natal.
Die man wat met hierdie idee vorendag gekom het is die professionele MMA-vegter, Wessel Mostert. Saam met hom het die geskiedkundige storieskrywer, Nico Moolman en die perdefluisteraar, Twim Mosia ook dié reis aangepak.
Die geskiedeniskenner Piet Lombard en fotograaf Dawie Fourie vergesel ook die groep.
Nóg foto’s en videos van die groep se avonture kan op hulle Facebook-blad, My soektog gesien word.
