Die LUR vir vervoer en menslike nedersettings in KwaZulu-Natal, Siboniso Duma sê 10 EFF-lede is gister in ‘n busongeluk op die R34 naby Vryheid in KwaZulu-Natal dood, én nié 12 soos aanvanklik berig nie.
Die EFF sê in ‘n verklaring dat die lede op pad huis toe was ná ‘n Jeugdagviering in Umlazi toe die bus waarin hulle was met ‘n vragmotor gebots het.
Duma sê hy en sy departement het die ongeluk, lykshuise en hospitale besoek. Beide die vragmotor- en busbestuurders het die ongeluk oorleef.
LEES OOK: Twaalf EFF-lede in busongeluk dood na Jeugdagviering
Hy het ook sy medelye betuig met die sekretaris-generaal van die EFF, Marshall Dlamini. Duma sê omdat dit nog donker was, en die toestand van die liggame het daartoe gelei dat noodpersoneel verkeerldelik gesê het dat 12 mense dood is.
Duma sê van die 10 oorledenes is drie vroue en sewe mans. 33 mense is beseer, drie is kritiek beseer en twee is kritiek.
Hy sê daar is verskillende weergawes van wat gebeur het, maar dat die polisie en die Padverkeersbestuurskorporasie nou die oorsaak van die ongeluk sal ondersoek.
