Twaalf EFF-lede is laat gisteraand dood in ‘n botsing tussen ‘n vragmotor en ‘n bus op die R34 naby Vryheid in KwaZulu-Natal.
Op dié stadium is dit nog onduidelik wat die botsing kon veroorsaak het. Die EFF sê in ‘n verklaring dat die lede op pad huis toe was na ‘n Jeugdagviering in Umlazi.
Tien ander passasiers is ernstig beseer en na nabygeleë hospitale geneem. Die EFF het in ‘n brief hulle medelye met die naasbestaandes betuig en sê die 12 lede het hulle lewens verloor terwyl hulle die party en sy doelwit ondersteun het.
Hulle is as helde beskryf.
