Munisipaliteite regoor Suid-Afrika skuld steeds miljarde rand aan Eskom, ten spyte van die regering se ingryping.
Die kragvoorsiener waarsku dat die toenemende skuld druk plaas op sy finansies en het begin om stappe teen munisipaliteite te doen wat nie hulle rekeninge betaal nie.
Eskom het ook verlede maand gedreig om die elektrisiteitstoevoer aan die Johannesburg-metro en City Power te verminder, nadat die skuld tot meer as R5 miljard gestyg het.
Die minister van elektrisiteit en energie, Kgosientsho Ramokgopa waarsku dat die skuld met nagenoeg R3 miljard per maand kan toeneem.
Die ouditeur-generaal, Tsakani Maluleke het herhaaldelik gewaarsku dat baie munisipaliteite ernstiger finansiële en regeringsuitdagings die hoof moet bied.
