14 Maart 2024
’n Uiters skaars albino olifant kalfie maak opslae in die Nasionale Kruger Wildtuin.
Die kalfie is vroeg in Februarie gesien deur Afri Guided Safari’s se safari operateur Theo Potgieter, by die Olifantsrivier in die wildtuin. Die pienk olifantjie met ligte hare is gesien hoe hy in die water baljaar.
Albinisme is ’n uiters seldsame toestand onder diere en veroorsaak onder meer swak sig, wat die dier se vermoë om na kos te soek beïnvloed.
Die tekort aan pigment maak die olifant ook baie sensitief vir die Afrika-son.
PretoriaFM het met Theo Potgieter gesels oor sy unieke ervaring in die wildtuin.
