Die Proteas se snelbouler, Kagiso Rabada, mag weer vir die nasionale span speel nadat hy tydelik geskors is weens die gebruik van dwelms vir ontspanningsdoeleindes.
Dit beteken dat Rabada beskikbaar sal wees wanneer Suid-Afrika Australië die stryd aan sê in die finaal van die wêreld-toetskampioenskap wat in Junie by Lord’s krieketstadion in Londen plaasvind.
Rabada is op 21 Januarie vir dwelms getoets na ‘n wedstryd tussen MI Cape Town en Durban se Super Giants in die SA20’s kriekettoernooi. Hy is op 1 April ingelig dat hy positief getoets het en is vir ‘n maand geskors.
Die positiewe toets het daartoe gelei dat Rabada die grootste deel van verlede maand se Indiese Premierliga (IPL) misgeloop het.
Hy mag ook nou weer diens toe vir die Gujarat Titans in die res van die IPL. Rabada het twee verpligte sessies van ‘n rehabilitasie-program voltooi.
Foto: SkySports
