Die EFF-leier, Julius Malema se regsverteenwoordiger beweer dat gevangenisstraf baie onregverdig sou wees, aangesien niemand tydens die EFF se saamtrek in Mdantsane beseer is nie.
Malema is onlangs skuldig bevind aan die oortreding van die Vuurwapenwet nadat hy in 2018 ‘n vuurwapen in die teenwoordigheid van ‘n groot skare afgevuur het.
Hy verskyn vandag in die Oos-Londen-landdroshof vir sy voorvonnis verrigtinge.
‘n Gevangenisstraf sal hom diskwalifiseer om verder as LP te dien.
Sy regverteenwoordiger, Laurence Hodes, meen dat ‘n boete ‘n meer toepaslike straf sou wees.
Die staat is tans besig om sy saak in die voorvonnis te stel en sê indien Malema nie gevangenisstraf opgelê word nie, dit sou bewys dat hy verhewe bo die gereg is.
