Die Wes-Kaapse Hooggeregshof begin vandag met die aanhoor van AfriForum se aansoek om dele van die Onteieningswet ongrondwetlik te laat verklaar.
Die Instituut vir Rasseverhoudinge, die DA en die Vaderlandstigting se soortgelyke hofaansoeke word saam met die saak aangehoor.
Die applikante voer aan dat sekere bepalings van die wet onteiening sonder vergoeding moontlik maak en eiendomsreg ondermyn.
President Cyril Ramaphosa, die minister van Openbare Werke en die voorsitters van die Parlement is respondente.
Die saak sal na verwagting vyf dae duur.
