Die 33-jarige Protea-krieketspeler, Heinrich Klaasen het vroeër vandag sy uittrede uit internasionale krieket aangekondig.
Die kolwer het vanoggend aangekondig dat hy met onmiddellike ingang uit die wit bal-formaat van die sport tree, nadat hy reeds verlede jaar uit die rooi bal-formaat getree het.
Klaasen het in 2018 sy debuut in Eendag Internasionale Krieket (ODI) en T20 gemaak. Hy is deur die SACricketMag beskryf as een van die beste wit bal-spelers van sy generasie.
In die sewe jaar sedert sy buiging het hy meer as 2 000 lopies verower as middelorde kolwer.
Klaasen sê vandag is vir hom ‘n hartseer dag. “Dit het my lank geneem om te besluit wat die beste sal wees vir my en my familie, dit was ‘n moeilike besluit maar ek het vrede in my hart.” Hy sê dit was vir hom die grootste eer om sy land te verteenwoordig in die sport waarvoor hy lief is.
Hy sê hy sien daarna uit om meer tyd saam met sy familie te spandeer.
Foto: Crictoday
