|
Pasiënte wat van die Gautengse provinsiale gesondheidsdienste gebruik maak kan eersdaags 4,4% duurder vir mediese dienste betaal. Dit terwyl die koste verbonde aan die verskaffing van EMS-nooddienste met tot 30% kan verhoog. Die verklaring deur die departement volg nadat die voorgestelde verhogings vir kommentaar gepubliseer is. Dit sal eers in werking tree sodra dit deur die provinsiale wetgewer goedgekeur is. Die voorgestelde verhogings is in Februarie in die Staatskoerant gepubliseer, en mense het tot die 13de Maart kans gehad om kommentaar daaroor te lewer. Die verhogings geld ook vir begrafnisondernemings. Die verhogings kan na verwagting op 1 April in werking tree. |
Luister nou
