‘n Video, waarin die leerlinge van die Curro Durbanville High School geesvang by die onlangse Interskole Atletiekbyeenkoms, word tans wyd op sosiale media versprei.
Die sogenaamde oorlogskreet is reeds meer as 35-miljoen keer gekyk, en 50 000 keer op die skool se Facebook-blad. Die leerlinge sing verskillende liedjies, en gebruik dan hulle baadjies, en wit skool hemde om verskillende “prentjies” te maak.
Hulle sing in ‘n stadium byvoorbeeld Under the Sea van die Little Mermaid-rolprent en deur die baadjies te gebruik lyk dit kompleet soos visse wat oor die pawiljoen beweeg.
Die video het selfs die aandag van die Hollywood-aktrise, Jennifer Garner getrek, wat die video op haar Instagram-profiel gedeel het. Sy is bekend vir rolprente soos 13 Going on 30 en Elektra.
