Die voormalige bevelvoerder van Vlakplaas, Eugene de Kock, het in die hooggeregshof in Gqeberha getuig dat hy ’n opdrag ontvang het om president Cyril Ramaphosa te vermoor.
Vlakplaas was die hoofkwartier van die veiligheidspolisie tydens die vorige bedeling.
Volgens De Kock was Ramaphosa se naam een van 33 op ’n moordlys wat vir sluipmoord gemerk is.
De Kock het glo geweier om die opdragte uit te voer. Hy het aan die hof gesê dat hy Ramaphosa as onskuldig beskou het en nie as ’n terroris nie.
Dié getuienis vorm deel van die derde geregtelike doodsondersoek na die moorde op sogenaamde teenapartheidsaktiviste.
