Vyf mense is dood in ‘n ongeluk tussen drie voertuie op die N2 tussen Ermelo en Mkhondo (Piet Retief) in Mpumalanga gistermiddag nadat die bestuurder van een van die voertuie glo versuim het om te stop toe die verkeerspolisie hom van die pad wou aftrek.
Die bestuurder was na bewering onder die invloed van alkohol en het sowat 170 kilometer per uur in ‘n 120 kilometer per uur sone gery toe die polisie hom wou voorkeer.
Die LUR vir gemeenskapsveiligheid in Mpumalanga, Jackie Macie sê voorlopige ondersoeke dui daarop dat die motoris verby die polisie gejaag het, waarna hy met ‘n ander motor gebots het.
Die bestuurder van die tweede motor het beheer verloor en reg van voor met ‘n vragmotor gebots. Die bestuurder en al vier sy passasiers is op die toneel dood.
Die bestuurder wat glo die ongeluk veroorsaak het is in hegtenis geneem. Die vragmotorbestuurder is ongedeerd.
One Response
Daai affere wat die ongeluk veroorsaak het, gee hom nog drank tot hy horries kry. Gin simpatie met mense en hulle drank nie.