Die jongste nasionale syfers toon dat slegs 8 315 beeste, uit ‘n kudde van nagenoeg 14-miljoen beeste in Suid-Afrika, tot duver teen bek-en-klouseer ingeënt is.
Die Wes-Kaap het ook reeds met inentings van vee begin, ten spyte van die Vrystaat wat nie een enkele dosis entstof beskikbaar het nie.
Volgens ‘n verslag is daar 997 348 beeste vatbaar vir die siekte, terwyl daar meer as 32 300 gevalle van besmetting bevestig is.
Meer as 46 000 diere is reeds van kant gemaak en altesaam 83 vrektes is aangemeld.
Volgens ‘n privaat veearts van Parys, in die Vrystaat, dr. Jan Fouche Swanepoel, sal die entstof waarskynlik eers teen die einde van Maart in die provinsie beskikbaar wees.
