AfriForum Jeug sê talle vrae oor ‘n onlangse “sangoma-ritueel” by die Noordwes-Universiteit (NWU) se Eikenhof-dameskoshuis is nog nie beantwoord nie.
Die NWU het verlede maand ‘n skrywe aan die jeugorganisasie gerig waarin hulle bevestig het dat hulle ‘n ondersoek gedoen het en dat geen bewyse, volgens die NWU, vir die bewerings van ’n sangoma-ritueel gevind kon word nie.
Sommige studente het in April ‘n video aan AfriForum Jeug verskaf waarin ‘n student gil, terwyl ‘n sangoma-ritueel glo op haar uitgevoer is.
LEES OOK: KYK: NWU gevra om “sangoma-ritueel” by Potchefstroom-koshuis te ondersoek
‘n Jeugbeampte by AfriForum Jeug, Yvonne Gerber sê die organisasie dring nou in ’n formele aansoek ingevolge die Wet op die Bevordering van Toegang tot Inligting (PAIA) aan op omvattende antwoorde rakende dié ondersoek.
Gerber meen daar is talle leemtes in die NWU se terugvoer oor dié insident en dat die universiteit nie genoegsame of gerusstellende antwoorde bied nie.
LEES OOK: NWU sê hy bevind geen bewyse van sangoma-ritueel nie
“Indien dit dan nie, soos die inwoners beweer het, ’n sangoma-ritueel was nie, wat was die oorsaak van die gille wat inwoners deur die loop van daardie aand moes aanhoor? Die universiteit het tot dusver geen alternatiewe verduideliking gebied vir die insident nie ten spyte van die kommer wat onder inwoners daaroor bestaan,” sê Gerber.
Sy sê die NWU se “stilswye en gebrek aan deursigtigheid” oor hierdie voorval wek ernstige vrae oor die institusionele aanspreeklikheid en studente se veiligheid op kampus.
One Response
Iemand wat n grappie gemaak het.